4.1. Паняцце культуры маўлення

Практыкаванне 1. Прачытайце выказванні  вучоных. Вызначце, пра якую камунікатыўную якасць ідзе гаворка.

1. Маўленне …………., калі ў ім няма парушэння арфаэпічных, акцэн­талагічных, словаўтваральных, марфалагічных, сінтаксічных, лексічных, фразеалагічных, прыказкавых норм. Асноўная ўмова …………..маўлення - добрае веданне названых норм літаратурнай мовы, а значыць, і ўмелае валоданне імі. (І. Лепешаў)

2. Унармаванасць - сінонім ………….- найважнейшая ўласцівасць літаратурнай мовы. (А. Міхневіч)

3. Менавіта ………….. маўлення забяспечвае яго адзінства, агульназразумеласць інфармацыі, якая перадаецца і ўспрымаецца. ………… заключаецца ў адпаведнасці маўлення тым законам і правілам, якія дзейнічаюць у мове. (Т. Тамашэвіч)

4. ……………. маўлення - аснова, якая дае магчымасць асобе пастаянна ўдасканальваць сваё маўленчае майстэрства. …………. маўлення падразумявае строгае захаванне літаратурных норм, мэтазгоднасць выкарыстання тых або іншых моўных адзінак у працэсе зносін. (І. Навасельцава)

Практыкаванне 2. Спішыце тэкст, выпраўце памылкі. Вызначце, якая(ія) камунікатыўная(ыя) якасць(і) парушана(ы) ў дадзеным тэксце.

Электраманцёр спецыяліст па зборкі, ўстаноўкі і тэхнічаскім абслугоўванні электрычнага абсталявання. Ад бесперабойнай працы электраабсталявання ў значнай меры залежыць эфектнасць любога вытворчага аб'екта. Прафесія электраманцёра па рамонце і абслугоўванні электраабсталявання з'яўляецца адной з найбольш массавых рабочых прафесій мае больш 30 вузкіх спецыялізацый якія адлюстроуваюць спецыфіку канкрэтных абласцей і відаў вытворчасці. У абавязкі электраманцёра па рамонце і абслугоўванні электраабсталявання ўваходзяць:

тэхнічнае абслугоўванне, рамонт электрарухавікоў, генератараў, схем телеаўтаматыкі, кабельных і лінейных збудаванняў;

мантаж, ўстаноўка электрычнага абсталяваня;

ліквідацыя пашкоджанняў асвятляльных і сілавых электрасетак;

правядзенне неабходных разлікаў і складанне схем, і планаў размяшчэння электраправодкі;

ажыццяўленне кантролю працы электраабсталявання.