Практыкаванне 1. Вызначце стыль кожнага тэксту (пісьмова). Растлумачце, знайдзіце спецыфічныя рысы кожнага стылю (вусна).

1. Правы чалавека – гэта сістэма нормаў паводзін. Існуюць яны на стыку маралі і права.

2. З філасофскага пункту гледжання правы чалавека – гэта універсальныя маральныя правы. Звычайныя правы, у адрозненне ад універсальных правоў, пароджаны канкрэтнай жыццёвай сітуацыяй, у якой знаходзіцца чалавек, яго статусам, становішчам у сістэме адносін паміж людзьмі. Напрыклад, глава сям’і мае маральнае права ведаць, што адбываецца ў яго доме.

3. Энергазберажэнне – гэта эканомія электраэнергіі. Ці, іншымі словамі, яе разумнае выкарыстанне. Ашчадны чалавек гатуе чай толькі тады, калі ѐн сапраўды патрэбен, пры гэтым грэе столькі вады, колькі трэба. А вось неэканомны чалавек, наадварот, замест двух-трох шклянак нагрэе два літры вады. І як змагацца з гэтай праблемай?

4. Усё лета перад хатай Чарнушкаў ціха грэлася на сонцы маладзенькая, з тонкім, як дубец, камлём рабіна. Ніхто ў Куранях, бадай, не заўважыў, калі і хто пасадзіў яе, не бачылі як трэба яе і тады, калі яна красавіцкай раніцай апранулася ў лёгкае празрыста-зялёнае плацце з кволых, рэзных лісточкаў. Дні за днямі цікаўна, але нясмела глядзела яна на вуліцу, на ўсіх, хто праходзіў міма, - сціплая, непрыкметная, за нязграбным плотам, блізка ад вялікіх дрэў. Ніхто не даваў ёй ніякай увагі, мылі яе, песцілі толькі цёплыя дажджы ды любілі шумець маладым лісцем вятры. Людзі ж яе як бы не заўважалі, спачатку таму, што проста не прыкмецілі, а потым таму, што непрыкметна прывыклі.

5. Грамадзянам Рэспублікі Беларусь гарантуецца права карыстацца іх нацыянальнай мовай. Ім гарантуецца таксама права звяртацца ў дзяржаўныя органы, органы мясцовага кіравання і самакіравання, на прадпрыемствы, ва ўстановы, арганізацыі і грамадскія аб’яднанні на беларускай, рускай або іншай прымальнай для бакоў мове.

6. Наша краіна з вялікім уздымам рыхтуецца да выбараў у мясцовыя Саветы дэпутатаў працоўных, якія завершаць перабудову ўсіх органаў Савецкай улады на аснове Сталінскай Канстытуцыі.

У гэты дзень савецкая інтэлігенцыя разам з усімі працоўнымі вялікага СССР, галасуючы за кандыдатаў блока камуністаў і беспартыйных, яшчэ раз прадэманструе сваю любоў і адданасць радзіме, партыі, вялікаму Сталіну. Лепшыя прадстаўнікі народа будуць выбраны дэпутатамі мясцовых Саветаў.

Рыхтуючыся да выбараў, партыйныя, савецкія і камсамольскія арганізацыі разгарнулі шырокую агітацыйна-масавую работу сярод насельніцтва.

Я, Фёдарава Наталля Аляксандраўна, нарадзілася ў горадзе Мінску 5 красавіка 1978 года. У 1980 годзе наша сям'я пераехала ў Салігорск. З 1984 па 1988 год вучылася ў сярэдняй школе №10 г. Салігорска. У 1988 годзе паступіла у гімназію №1 г. Салігорска, якую скончыла у 1995 годзе. З 1995 па 2000 год навучалася у Беларускім дзяржаўным універсітэце. З 2000 працую вядучым эканамістам на прадпрыемстве “Яліна” у горадзе Мінску.

Сямейны стан: не замужам

Бацька: Фёдараў Аляксандр Сяргеевіч 1955 г.н., дацэнт кафедры “Міжнародныя эканамічныя зносіны” БДУ г. Мінска.

Маці: Фёдарава Наталля Ігараўна 1957 г.н., загадчык аддзела рэкламы Мінскага трактарнага завода.

10.11.2006                                                                                Н.А. Фёдарава

 

Практыкаванне 2. Перакладзіце тэкст з рускай мовы на беларускую.

Электромагнитные приборы можно использовать в цепях как постоянного, так и синусоидального тока. Из-за потерь энергии электромагнитного поля на перемагничивание показания прибора в цепи постоянного и синусоидального тока отличаются. Если эти отличия не превышают нормированного (для данного класса точности) значения, прибор может быть использован для измерений в цепях постоянного и переменного тока. В этом случае на его шкалу при изготовлении наносят обозначения переменного и постоянного токов. Электромагнитные приборы преимущественно используют в качестве щитовых амперметров и вольтметров в цепях постоянного и переменного токов. В цепях синусоидального тока их показания пропорциональны действующему значению измеряемых величин.

 

Практыкаванне 3. Перакладзіце элементы размеркавальнай каробкі на беларускую мову.

 

Схема злучэння правадоў у размеркавальнай каробцы